Poesia

MERCO'U DE CORNIGGEN

O giorno de mercòu, a sei oe de mattin

comensa l'invexendo in scia ciassa,da-o Tanin,

lazzù in fondo, arve a Giolinn-a di carretti,

o Pittua con sò frae, ciappan sciù i cavalletti,

a Maxinn-a da-o caroggio a vegne un po a mìa",

i banchetti variopinti incomensan a giorna",

poi da-i banchi da verdua,drento ciù a redosso

veuan corbe, gerle e crìan, a ciù no posso:

a Varista a g'ha i coi, a Giulia o baxaicò,

a Prainn-a a scorsonea:gente ei visto cose g'ho,

gh'è o Gidio o formaggia", con o sò cotello lesto:

e-o formaggio da assaza",questo scì o l'è pe o pesto.

lì de feua gh'è a Lauretta, con a Dele e o Tognin:

pesci freschi, belli vivi, son pescae de stamattin!

L'ea bello, Corniggen, sensa bordello e fumme,

anche se andavimo a dormì a-o ceo do lumme.

     Giacomo Marchese