Poesia

S.Giacomo a Corniggen

I figgieu son tutti in gìo

con e scatoe de carton

tipo biscioa, con asbrìo

sciù e zù tutto l'è bon,

due palanche, meza mutta

ciappa dai sotta a chi tocca.

Pe' S.Giacomo e figgette

fan cadenn-e, bandèette

de pappe" con sei colori

lampionetti che pa'n fiori,

tutte e stradde son guernìe

o Prinçipin pa" co l'arrìe,

in scia ciassa: carrossoin,

tìa a segno, baraccoin,

i banchetti de demoe,

gh'è e pescoie, gh'è e scignoe,

i figgieu: o ciù battuso

in scia giostra d'arescuso,

tante cose, tanta gente,

gh'è chi accatta gh'è chi spende;

'na gran festa, no sò comme:

gh'è restou un po de fumme.

     Giacomo Marchese