Poesia

Seja a Corniggen antiga

Ombre lunghe

in sce l'asfalto sfumante de salin,

da-a cappelletta, da-o mercòu,

rintocca o vespro

e scrusce o vegio campanin,

donnette leste,coran co-o mandillo in testa,

Fra Pio in scia porta o ciappa dui figgieu

da inandìa" pe a S. Messa.

Tornan a casa i Poae, con o giacche"

in sce spalle,

doppo o gianchin dall'Orsolinn-a,

pe piggia" sciòu e racconta" due balle,

un caro fermo,o cavallo co-a sacchetta,

a Moa a porta o laete, co-e bottigge

in t'a gaggetta.

Moae da-o barcon,ciamman che l'è pronta

a çenn-a,

i figgieu un po mucchi: e scarpe in man

pe faghe sciortì l'aenn-a.

O so o sparisce derre" a-o monte Guan,

pe a stradda gh'è o cavallo,un gatto co fà

o zembo, perchè o l'ha visto un can.

     Giacomo Marchese