Poesia

Spiaggia de corniggen

In scia spiaggia gh'è i bagnanti

i pescoei co-i gussi gianchi,

lì gh'è o Luiggi o fà o ritraeto

a-n figgieu co no sta queto,

gh'è o Castoro co-a sappetta

arriva o Ghen senza berretta,

o Tiscrolli invexendòu

o l'aferma o Ganganòu,

in sci scheuggi a pe' sparetti

gh'è o Tribulla co-o Seghetti,

in scio faero co-a rissolla

gh'è o Settimio: a çimma o molla,

a ponente pe' cangia"

gh'è o Beneito a porpezza",

gh'è o Vittorio co-o Giabin

in scia riva a fa" i bagnin,

Biscagginn-a,Texo e Spigo

ciappan sciù ,veuan fa" fito,

han straccuou miae o rastello

han posòu tutti o fernello,

n'han piggiòu? fà o Tugnin:

quattro rubbi e dou trei zin,

ciappa, tìa, liga, molla

han finio de tìa" a rissolla,

fermi tutti gh'è o Seghetti

o s'asbria in ti gianchetti,

vegne seja o ma" in bonassa

ciappa e corbe e zù in scia ciassa,

in scia riva in ti risseu

gh'è arestòu solo i figgieu,

dou trei gatti ben saziae

tante ancioe se l'han mangiae,

quattro gritte stan a mìa"

de cacciase verso o ma".

     Giacomo Marchese