Poesia

A CONA" PE' S. MICHE"

Ne vegnimmo da S. Miche"

co-a resta a-o collo e o bae derre":

se sentiva canta";

sciù da gexa o campana"

o ghe dava a battaggia",

ghè i banchetti, gh'è i villen,

besagninn-e de Staggen,

tranvaietti, carrette"

co-i cavalli ben barde",

e pescoie co-i frexetti

sciù e zù a pe' amaretti,

ravieu, gnocchi, pesci pin

te serviva o Mattelin,

e lasagne chì o te porta

o camme" do Vaccamorta,

chi se tegne a sò cravetta,

chi asazza l'uga secca,

chi l'agnello ha cattòu

o và in zù invexendòu;

quande seja l'è vegnua

balli e canti zù in cianua,

besagninn-e un po bevue,

i figgieu con e demue.

Ne vegnimmo da S. Miche"

co-a resta a-o collo e o bae derre":

da-a gente contenta se sente canta"

e in semme a brassetto zù pe a monta".

     Giacomo Marchese